بالنسبة للمقادير :
نصف كيلو سكسو رقيق مفور 3 مرات و في التفويرة الاخيرة كانسقبو بعلبة حليب الكوك (هد الحليب كيخلي السفة ديالنا واعرة وايلا ماكاينش نقدرو نستغناو عليه) وفالاهير تاندهنوه بالزبدة
فالحشو غندنا
نصف كيلو اللحم هبرة
ملحة
سكنجبير
شوية الخرقوم
2حبات قعقلا
عود القرفة
3معالق زيت بلدية
كيلو ونص دالبصلة مقطعة رقيق
معلقة العسل
رابعة اللوز مسلوق و مقشر و مقلي و مهرمش
رابعة المشماش مرطب فماء غليان
الزبدة
الفواكه الجافة للتزيين
كناخدو اللحم. مقطع مربعات صغار مع العطرية و الزيت نديروه فالطنجرة علئ عالية مهيلة حتى يطيب بلا ماء و ناخدوه و نفرتتوه و ناخدو ديك البصلة نقطعوها رقيقة و نفوروها مع عود الغرفة وشوية الملح حتى. تتذبال و نديروها فمقلة مع معلقة كبيرة الزبدة و نزيدو معلقة العسل حتى تتعسل و نزيدو عليها اللحم اللي فرتتناه و نخليوه و نمشيو لللوز و المشماش كاناجدو اي حاجة بغينا اما المشماش ولا الاناناس ولا الشريحة ولا التمر ولا غير الزبيب نرطبوه بالماء غليان ثم نقطعوه طريفات صغار نديروه فالمقلة مع معلقة الزبدة و معلقة العسل حتى يتعسل أو نزيدو اللوز مهرمش أو نمشيو المونطاج
ناخدو الاطار نديرو تستيفة ديال السكسو ثم اللحم مع البصلة ثم اللوز مع المشماش و نديرو طبقة وحدة اخرئ ديال السكسو و نزينو باللي بغينا و بالصحة و الراحة
ليست هناك تعليقات:
إرسال تعليق