سلام عزيزاتي كيف راكم نتمنى تكونو بخير وعلى خير بزاف دلمرات كنعكزو على تصبين الزربية ومكيكونش عندنا بزاف دلوقت كنكتافيو بتشطيبها ومكتكونش شي نتيجة زوينة دابة جبت لكم واحد الطريقة زوينة وساهلة وغير تدويزة خفيفة تولي زربيتكم تتشعل.
ادا توسختليك الزربية غير شوية وماعاندكش فين تصبنيها وبغتيها تولي كتشعل على بيد مين تغسليها خوي عليها الملحة الغليظة وماتخلي حتى طرف خاوي وخليها ليلة كاملة والغد شطبيها من الملحة وشوفي النتيجة وكاين واحد الحاجه ممكن تديريها قبل من الملح ولي هي كتشدي أريال ديال الترقاد و خلطيه مع شويش ديال الماء
غير شي شوية و شدي شي فوطه من هذوك ديال الكوزينه وغطسيها في داك الما و مسحي بيه الزربيه مزيانومن بعد رشي بالملحه مزيان في الصباح وشطبيها عرفتي النتيجه روعه فعلا جربوها راه عملية لناس ألا عندهم الضيق في الدار.
ليست هناك تعليقات:
إرسال تعليق