شربات:
4 حبات بيض كبار + كاس الا ربع سكر عادي +م ص فامي+رشة ملح.نخلط مليح +كاس الا ربع زيت وكاس الا ربع حليب وكاس ونص سميد متوسط وكاس فرينة .نخلط وكاس نوادكوكو .باكي ونص خميرة كميائية .نخلط مليح
سنيوة قطرها 30/24 ندهن بزيت ونغبر بلفرينة ونلوح الخليط ،ونخبط شوي لبلاطو باش تجي سطح مستوي ، نخلوها ربع ساعة ولا 20 د ترتاح ونشعل لفور ونطيبها غير من تحت 25الى 30 د كي تحمار أطراف نطفي ونشعل من لفوق ناخذ لون ذهبي 8 الى 10 د ونطفي ،مع طفيتها وهي سخونة ناوح شاربات باردة ونخلوها 3 سوايع باش نستهلكوها.
للتزيين نطلعو شوي شونتيي نديرها من فوق ولا نمسحها بلعسل + رشة بيستاش ولا نواد كوكو ولا اي نوع مكسرات.
ليست هناك تعليقات:
إرسال تعليق