حبوباتي العزيزات جيت وجبت ليكم معايا اليوم فكرة رائعة تستافدو منها وتفيدو غيركم وهي كتعلق بلب أو قلب الجزر أو خيزو، اللي اغلبنا كيرميه وما يستافدش منو نهائيا بعدما ناخذو الجزو ونستعملوه اما فالطاجين أو أو السلطة أو فالمرقة بصفة عامة
يمكن ليك يالالة تاخذي قلب خيزو من بعد ما تغسليه مزيان وديريه فطنجرة مع كمية من الماء، والسكر وتخليه يطيب مزيان وملي تحسي بيه طايب يمكن ليك تخليه فالطنجرة مع الماء لي فيه حتى يبرد مزيان
من بعد طحنيه فمولينكس مع السكر حسب الذوق وكاس ديال دانون بنكهة لفريز وعصير جوج حامضات وديريه فالثلاجة وخليه حتى يبرد وقدميه عصير مع مختلف الأطباق وفي كل الاوقات، مفيد وكيجي لذيذ غادي يعجب الدراري جربيه وردي عليا لخبار.
ليست هناك تعليقات:
إرسال تعليق