اول حاجة تنشد واحد السوبيرا داءرية او غير بانيو تنغلفو من لداخل بالسولوفان من بعد تنطرب ساشيا كلاص ايديال نكهة الفاني تنطلعها مزيان وتنظيف ليها كاس نيسلي وتنضرب وتنقسمها على جوج واحد تيبقى ابيض والثاني تنظيف ليه معلقة نكهة البيستاش وشوية من الملون الاخضر وتنقبط البانيو اللي غلفت وتنعمل طبقة تكون سميكة من كلاص البيستاش نقادها مزيان من الاسفل والجناب وندخلها للمجمد حتى تجمد وعاد نعمل من لفوق منها طبقة بيضاء من كلاص فاني وندخلها للمجمد حتى تتماسك من بعد
تناخد ساشيا كلاص ايديال بنكهة الفريز تنطلعها مع نص لتر حليب بارد مزيان مزيان ( لازم تكون فالثلاحة قبل متخدمي بيها باش تطلع مزيان مع الجو سخون ) منين تطلع لينا الكريما تنضيفو بشوية بشوية كاس تاع العنبة نيسلي ومعلقة نكهة الفرمبواز وتنخلط مزيان وتنظيف شوية من الشكلاط بيبيت وتنخلط وتنكب الخليط فالوسط وتندخلها للمجمد هلى الاقل 6 السوايع من بعد تقلبيها فطبسيل وتتزوقيها من الفوق بخطوط خضراء
بالنسبة الخطط استعملت شوية من نكهة البيستاش مخلطة مع شوية من الملون الاخضر
بالصخة والراحة
ليست هناك تعليقات:
إرسال تعليق