كيك على شكل طبقات بحال ملفي كيجي هائل

كيك على شكل طبقات بحال ملفي كيجي هائل
المقادير
الطبقة 1
3 بيضات
كاس صغير سنيدة
نصف كاس زيت
ربع كاس ماء مغلي مذوب فيه معلقة كبيرة كاكاو
كاس و نصف طحين
1 خمارة
لعبار كاس ديال العنبة
الطريقة

طربي البيض مع السنيدة وتزيدي الزيت والكاكاو اكيد الطحين مغربل مرتين مع الخميرة
ندهن المول وندخلها طيب
الطبقة 2
نصف لتر حليب
3 معالق كبار كريم باتسيير
1 بيضة
80 غ او 12 قطعة شكلاط اسود مذوب
3معالق كباركركاع محمر و مهرمش
معلقة كبيرة كراميل
2معالق سنيدة
نطربوا بالفورشيط البيضة مع غبرة كريم باتسيير وسنيدة ونزيدوه على الحليب وحنا كنحركو حتا يعقاد
نزيدو الكراميل
ثم الشكلاط مذوب
واخيرا الكركاع مهرمش هو الاخير
نفرغوه على الكيكة ونخليوخا تبرد على منوجدو الطبقة 3
الطبقة3
كاس كبير عصير الليمون
3 فلان فاني او فلون شكلاط
3معالق سنيدة

نحركوه حتا يعقاد ونفرغوه على الطبقة الثانية غير بشوية بشوية بشوية
 ندخلوها لثلاجة حتا تبرد اكيد التزيين يبقى على حسب الرغبة انا قطعتها و زينتها بخطوط دانيت كراميل

وكل واحدة فينا كيبقى ليها الاختيار