الأكلة لي دايرة ضجة فاليوتيوب فخاد الدجاج فالفران بمطيشة الحك كيجيو معلكين وكيحماقو عليهم لوليدات فالعشا

ناخدو صينية الفرن نقطعو فيها بطاطا دوائر ،نزيدو فوقها البصل دوائر، فلفل حلو دواير ،ثم مطيشة حتى هي دوائر نستفوهم فالمول ،و نحطو فوق منهم أفخاد الدجاج كيف ما فالصورة، ناخد جبانة نعملو فيها مطيشة الحك على حساب كمية الأفخاد، انا عملت ربعة معالق كبار لأربعة افخاد،نطلق مطيشة بنصف كاس ماء دافئ تكون معلكة ما شي مطلوقة نزيد عليها الملح ابزار


 سكنجبير قرفة غي شوية نخلطو مزيان،ثم ندهنالافخاد بالخليط من لفوق و لتحت مزيان ولي شاط نخويه من لفوق نغطي بورق الطهو و نزيد بابيي ألمنيوم، ندخلوها للفرن لعافية من لفوق و لتحت انا عندي فران ديال الغاز كتطيب فساعة و نص ملي تلقاي دجاج طاب تحيدي لوراق لي مغطي بهم و تخلي دجاج حتى يتحمر و المرقة تبان لك خاترة.
ملحوظة :ماكنديرو لا زيت لا ماء ،جربوها و ردو عليا لخبار