غنحتاجو بكية بيسكوي مدور مطحون ونزيد عليه 100غ زبدة دابية ونخلطو من بعد كناخد مولا صغار دالسيليكون اي شكل عندكم او غي كويغطات دلمادلين انا كانو تقاداو عندي درت غي لمول لمهم الا كانو كويغطات كتحطوهم فمولات قدهم ونحط فكل وحدة معلقة من لبيسكوي حتى نساليو لكمية ونبسطهم مزيان بظهر دشي كاس كما واضح فالصورة وندخلهم للفران واحد 10دق حتى يتذهب لونهم
غناخد 4دانون مسوس نديرهم فمولينكس ونزيد عليهم 4 فرماجات مربعين 4معالق دالسكر مهم حسب الدوق و2فاني وكاس كبير عامر ديال نيدو و3 معالق كبار اضافية عامرين نخلطو كلشي مزيان ونوزعهم بالتساوي فوق البيسكوي من بعد ندخلهم للفران شاعل غير من لفوق مدة 10 دق كنقيسو بيدينا كنلقاوهم جمدو وكنحيدهم ونمشيو نوجدو الطبقة
كناخدو ربع لتر حليب نص معلقة نسكافيه واحد فلان كراميل واحد معلقة دالسكر وزدت شوية من صوص الكراميل باش نعزز النكهة دلكراميل ونديرهم فوق لعافية مع التحراك حتى يغلى ونحيدوه وكناخدو بالملعلقة وكنزيدو فوق الطبقة التانية حتى كنساليو كنخليهم ايبردو شوية عاد ندخلهم للتلاجة ايبردو مزيان ونسربيوهم مع شوية من صلصة الكراميل او لوز مهرمش مهم حسب دوق ديالكم وهاد لوصفة مستوحاة من حلا المرايا الشهير غير الطبقة التالتة تبدلات فعوض منديرو لما درنا الحليب وحتى المداق كاين فرق هدا افضل حتى تجربوها وتعرفو هههه
ليست هناك تعليقات:
إرسال تعليق